🔸चामोर्शी तालुकास्तरीय कबड्डी स्पर्धेत दुहेरी विजय..

गडचिरोली जिल्हा ब्युरो चीफ : उज्वल देवनाथ

चामोर्शी – ( इंडिया 24 न्युज ) : तालुका स्तरीय शालेय क्रीडा स्पर्धा अंतर्गत 14 वर्षे वयोगटातील कबड्डी स्पर्धेत शहीद बाबुराव शेडमाके माध्यमिक विद्यालय, आमगाव महाल या विद्यालयाने दुहेरी बाजी मारली आहे.

मुले व मुली या दोन्ही गटात या विद्यालयाच्या संघाने प्रथम क्रमांक पटकावून विजेतेपद मिळवले आहे. या विजयामुळे दोन्ही संघांची जिल्हास्तरीय स्पर्धेसाठी निवड झाली आहे.

चामोर्शी येथे झालेल्या या तालुकास्तरीय स्पर्धेत तालुक्यातील अनेक शाळांनी सहभाग घेतला होता. अंतिम सामन्यात आमगाव महालच्या मुलांनी आणि मुलींनी उत्कृष्ट चढाई आणि पकडीचे प्रदर्शन करत प्रतिस्पर्धी संघावर मात केली.

या यशाबद्दल शाळेचे मुख्याध्यापक, क्रीडा शिक्षक आणि सर्व शिक्षक वृंदाचे तसेच ग्रामस्थांकडून दोन्ही संघांचे अभिनंदन करण्यात येत आहे. विद्यार्थ्यांच्या या यशामुळे आमगाव (महाल) परिसरात आनंदाचे वातावरण आहे.