🔸गडचिरोली पोलीसांची सायबर जनजागृती मोहीम..

गडचिरोली जिल्हा ब्युरो चीफ : उज्वल देवनाथ

गडचिरोली – ( इंडिया 24 न्युज ) : वाढत्या सायबर गुन्ह्यांच्या पार्श्वभूमीवर गडचिरोली पोलीस दलाच्या वतीने सायबर सुरक्षा जनजागृती मोहिमेचे आयोजन करण्यात आले आहे. पोलीस स्टेशन चामोर्शी अंतर्गत आज शाळा / महाविद्यालयातील विद्यार्थ्यांसाठी विशेष जनजागृती कार्यक्रम घेण्यात आला.

या कार्यक्रमात विद्यार्थ्यांना सायबर गुन्ह्यांपासून कसे सुरक्षित राहायचे याबद्दल सविस्तर मार्गदर्शन करण्यात आले. पोलीस अधिकाऱ्यांनी उपस्थितांना सायबर फसवणुकीचे विविध प्रकार आणि त्यापासून बचाव करण्याचे उपाय समजावून सांगितले.

पोलीसांनी दिलेले महत्त्वाचे आवाहन:
• OTP, PIN, CVV कोणालाही सांगू नका: बँकेकडून किंवा कोणत्याही कंपनीकडून OTP मागितला जात नाही. अनोळखी व्यक्तीला OTP सांगू नका. • संशयास्पद लिंकवर क्लिक करू नका: लॉटरी लागली, नोकरीचे आमिष, KYC अपडेट अशा संशयास्पद लिंकवर क्लिक केल्याने खाते रिकामे होऊ शकते. • तत्काळ 1930 वर संपर्क साधा: ऑनलाईन फसवणूक झाल्यास त्वरित सायबर हेल्पलाईन क्रमांक 1930 वर कॉल करा किंवा www.cybercrime.gov.in वर तक्रार नोंदवा.
यावेळी मोठ्या संख्येने विद्यार्थी, शिक्षक आणि पोलीस कर्मचारी उपस्थित होते.
सुरक्षित रहा… सायबर जागरूक रहा!
– पोलीस स्टेशन चामोर्शी, गडचिरोली पोलीस