🔸जिल्ह्यातील युवा प्रशिक्षणार्थींना पोरका होऊ देणार नाही. हभप तुकाराम बाबा महाराज यांची ग्वाही..

*🔸श्री. उज्वल कमल देवनाथ*
*🔸 गडचिरोली जिल्हा ब्युरो चीफ*
*🔸 मो नं. 7499963831*

गडचिरोली – ( इंडिया 24 न्युज ) : जिल्ह्यातील अध्यापकाची पदवी बहाल केलेल्या बहुसंख्य युवकांना मुख्यमंत्री युवा कार्य प्रशिक्षण अंतर्गत विविध आस्थापनेवर ११ महिण्याकरिता प्रशिक्षणार्थी म्हणून घेण्यात आले आहे. मात्र शासनाने जिल्ह्यातील प्रशिक्षणार्थींच्या सर्वांगीण समस्याचा विचार करून त्यांना न्याय दिला नाही. गडचिरोली सारख्या आदिवासी दुर्गम जिल्ह्यात माझे आगमन झाले असून, जिल्ह्यावर माझे अफाट प्रेम आहे. जिल्ह्यातील प्रशिक्षणार्थींच्या मी सोबत आहे. जेव्हा हाक देतील तेव्हा मी धावून येणार. त्यांना मी कधीच पोरका होऊ देणार नसून, येणाऱ्या काळात कायमस्वरुपी रोजगार मिळवून दिल्याशिवाय मी शांत बसणार नाही. अशी ग्वाही हभप तुकाराम बाबा महाराज यांनी प्रशिक्षणार्थींना दिली.
मुख्यमंत्री युवा प्रशिक्षणार्थी संघटना जिल्हा गडचिरोलीच्या वतीने २१ जून रोजी डी एस आर मंगल कार्यालय महिला कॉलेज जवळ चंद्रपूर रोड गडचिरोली येथे मार्गदर्शन व चर्चा सत्र सभा पार पडली त्यावेळी ते मुख्य मार्गदर्शक म्हणून बोलत होते. कार्यक्रमाप्रसंगी हभप तुकाराम बाबा महाराज यांचे सर्वप्रथम संघटनेचे जिल्हाध्यक्ष दशरथ कोवे , पकज नैताम , योगेश भांडेकर, संदीप पाल, नितेश चंदनखेडे, अंकीत पितुलवार, बन्सोड व इतर विद्यार्थ्यानी पुष्गुच्छ देऊन स्वागत केले . त्यानंतर शाल श्रीफळ व पुष्पगुच्छ देवून जाहीर सत्कार करण्यात आले. जिल्हा संघटनेचे अध्यक्ष दशरथ कोवे यांनी प्रास्ताविकातून जिल्ह्याची माहिती सांगून प्रशिक्षणार्थींच्या विविध समस्या मांडल्या. कार्यक्रमाला जिल्ह्यातील बहुसंख्य युवा कार्य प्रशिक्षणार्थी उपस्थित होते. मान्यवरांचे आभार चरण बनसोड यांनी मानले.