🔸आरेंदा येथे वृक्षालागवड, स्वच्छता अभियान व चित्रकला स्पर्धा ग्रामस्थ व मुलांचा उस्फुर्त सहभाग..

*🔸श्री. उज्वल देवनाथ*
*🔸 गडचिरोली जिल्हा ब्युरो चीफ*
*🔸 मो नं. 7499963831*

अहेरी – ( इंडिया 24 न्युज ) : तालुक्यातील आरेंदा येथे जागतिक महिला दिनाच्या पार्श्वभूमीवर भारत रूरल लाईव्हलिहुड फाउंडेशन यांच्या माध्यमातून विविध सामाजिक उपक्रमांचे आयोजन करण्यात आले. या उपक्रमांमध्ये वृक्षलागवड, ग्राम स्वच्छता अभियान तसेच लहान मुलांसाठी चित्रकला स्पर्धा घेण्यात आली.
कार्यक्रमाचा उद्देश गावात पर्यावरण संरक्षण, स्वच्छतेबाबत जनजागृती करणे तसेच महिलांच्या सामाजिक सहभागाला प्रोत्साहन देणे हा होता. या उपक्रमामध्ये ग्रामस्थ, बचत गटातील महिला तसेच लहान मुलांनी उत्स्फूर्त सहभाग नोंदविला. या उपक्रमामध्ये ग्रामपंचायत सदस्य, महिला बचत गटातील महिला, युवक तसेच गावातील लहान मुलांनी उत्स्फूर्त सहभाग नोंदविला.वृक्षलागवड उपक्रमांतर्गत गाव परिसरात विविध प्रकारची झाडे लावून पर्यावरण संरक्षणाचा संदेश देण्यात आला. तसेच ग्राम स्वच्छता अभियान राबवून गावातील सार्वजनिक ठिकाणांची स्वच्छता करण्यात आली. यावेळी लहान मुलांसाठी आयोजित चित्रकला स्पर्धेमुळे मुलांना आपली कला आणि सर्जनशीलता सादर करण्याची संधी मिळाली.या कार्यक्रमामुळे गावामध्ये पर्यावरण संवर्धन, स्वच्छता आणि सामाजिक एकात्मतेचा सकारात्मक संदेश देण्यात आला. कार्यक्रमाच्या यशस्वी आयोजनासाठी ग्रामपंचायत आरेंदाचे उपसरपंच सौ बुज्जी आत्राम व जिल्हा परिषद प्राथमिक शाळा आरेंदाचे मुख्याध्यापक मुजुमकर, मडावी,माजी सरपंच.वंजे वेलांदी, सुषमा दुर्गे, पशु सखी देवे आत्रामा, ग्रा.पं.चे शिपाई नामदेव दहागावकर BRLF संस्थेचे सायली मेश्राम प्रेरक, बाबुराव तलांडी, माधुरी कन्नाके, ज्योती तलांडे, विशाल आलम, संजय आत्राम, ग्रामपंचायतचे सदस्य कर्मचारी महिला बचत गट विद्यार्थी विद्यार्थिनी आणि नागरिकांनी मोठ्या संख्येने ग्रामस्थांचे सहकार्य लाभले.