🔹जवाहर नवोदय विद्यालयात सहावीच्या प्रवेशासाठी अर्ज करण्याचे आवाहन..

संपादक – शिल्पा बनपूरकर

धुळे, दि. 9 ( इंडिया 24 न्यूज ) : जवाहर नवोदय विद्यालय, धुळे मध्ये सन 2023-24 या शैक्षणिक वर्षासाठी इयत्ता सहावीच्या प्रवेश परीक्षेसाठी 31 जानेवारी, 2023 पर्यंत ऑनलाईन अर्ज मागविण्यात येत असल्याची माहिती प्राचार्य, जवाहर नवोदय विद्यालय, धुळे यांनी एका प्रसिध्दी पत्रकान्वये दिली आहे.
जवाहर नवोदय विद्यालय, धुळे येथे प्रवेशासाठी विद्यार्थी हा जिल्ह्यातील शासनमान्य शाळेत इयत्ता पाचवीत सन 2022-23 या शैक्षणिक वर्षात शिकत असावा. विद्यार्थ्यांचा जन्म 1 मे, 2011 पूर्वी झालेला असावा, 30 एप्रिल, 2013 नंतर झालेला नसावा, सदर अट सर्वांसाठी लागू असेल, सन 2020-21, 2021-22, 2022-23 या वर्षात विद्यार्थी तिसरी, चौथी व पाचवीत अनुक्रमे खंड न पाडता उत्तीर्ण असावा, अनुसूचित जाती, जमाती आणि मुली, दिव्यांग संवर्गासाठी व इतर मागासवर्गासाठी जागा राखीव असतील, अर्ज सादर करतांना आधार कार्ड, मुख्याध्यापकाचे पत्र, रहिवाशी दाखला, फोटो व सही आवश्यक आहे.
जवाहर नवोदय विद्यालयातील प्रवेश परीक्षा शनिवार दि. 29 एप्रिल, 20223 रोजी होईल. माहिती पत्रक व प्रवेश अर्जासाठी https://navodaya.gov.in तसेच https://cbseitms.rcil.gov.in/nvs/index/Registration या संकेतस्थळावर उपलब्ध आहे. तरी धुळे जिल्ह्यातील जास्तीत जास्त विद्यार्थ्यांनी प्रवेश अर्ज सादर करावे, असे आवाहन प्राचार्यांनी केले आहे.