🔸महेशदादा चौधरी युवा पिढीचे नेतृत्व न. प. मूल, प्रभाग क्र. १ चे खुल्या प्रवर्गातील उमेदवार

डॉ. आनंदराव कुळे
मूल तालुका प्रतिनिधी
मो. क्र. ९४०३१७९७२७

मूल ( इंडिया २४ न्यूज ) : चंद्रपूर जिल्ह्यातील मूल शहर हे राजकीय दृष्ट्या फार संवेदनशील शहर म्हणून गणल्या जाते. दिवाळी सणाचे फटाके फुटत आहेत. पुढील काही दिवसातच नगरपरिषदेच्या निवडणूकीचा बिगुल वाजणार आहे. तत्पूर्वी नगरसेवक पदासाठी जन सेवा करणाऱ्या समाजसेवकांची तथा काही पक्षीय इच्छुक कार्यकर्त्यांची सुरक्षित प्रभागासाठी चाचपणी सुरु झालेली आहे.

त्यातच श्री. महेश मनोहर चौधरी हे सर्वांना सुपरिचित नाव आहे.साई लॉज, मूल चे मालक म्हणूनही ते परिचित आहेत. ते शिवसेना (उ. बा. ठा.)चे एकनिष्ठ सच्चे शिवसैनिक असून मैत्री ग्रुप चे सक्रिय संघटक आहेत. शांत, प्रेमळ स्वभाव, माणसे जोडण्याची ताकत, समाजाची सेवा करण्याची तळमळ यामुळे त्यांचे नेतृत्व उभारी घेत आहे.त्यांनी सामाजिक क्षेत्रात आपला ठसा उमटवला असून मूल शहरातील आरोग्य, शिक्षण, स्वच्छता या बाबतीत न. प. मूल येथे संबंधित अधिकाऱ्यांशी संवाद साधून, निवेदन देऊन विविध कामे करवून घेतले. नुकतेच मूल बस स्टॅन्ड च्या गेट वरील पडलेले मोठे खड्डे बुजवीण्यात त्यांचा सिंहाचा वाटा आहे.

महेश चौधरी यांची मूल नगर परिषद मूल च्या प्रभाग ०१मधून खुल्या प्रवर्गातून येणाऱ्या निवडणुकीत आपली उमेदवारी दाखल करण्याची तयारी आहे. त्यांनी प्रभाग क्र. ०१मध्ये जनसंपर्क वाढविला असून मतदारांच्या गाठीभेठी घेऊन मतदारांच्या अडचणी दूर करण्याचा धडाका सुरु केला आहे. त्यांच्या जनसंपर्कामुळे मतदारांचा उत्स्फूर्त प्रतिसाद मिळत आहे.सध्यातरी त्यांची जमेची बाजू आहे.त्यामुळेच त्यांच्या समर्थकांमध्ये मोठा उत्साह आहे.