▪️धुळ्यात 25 जानेवारी रोजी रोजगार मेळाव्याचे आयोजन..
मुख्य संपादक – श्री. तुळशीराम जांभूळकर
धुळे, दि. 20 ( इंडिया 24 न्यूज ) : जिल्हा कौशल्य विकास, रोजगार व उद्योजकता मार्गदर्शन केंद्र, धुळेमार्फत २५ जानेवारी, २०२३ रोजी सकाळी १०.०० ते दुपारी ४ वाजेपर्यंत जिल्हा कौशल्य विकास रोजगार व उद्योजकता मार्गदर्शन केंद्र, प्रशासकीय संकुल, जुने जिल्हाधिकारी कार्यालय आवार, धुळे येथे प्लेसमेंट ड्राईव्ह/ पंडित दीनदयाल उपाध्याय रोजगार व उद्योजकता मेळाव्याचे आयोजन करण्यात आले आहे. अशी माहिती राजू नि. वाकुडे, सहायक आयुक्त, कौशल्य विकास रोजगार व उद्योजकता, धुळे यांनी दिली आहे.
शासनाच्या कौशल्य विकास कार्यक्रमातंर्गत प्रशिक्षित झालेल्या आणि महास्वयम् वेबपोर्टलवर नोंदणीकृत उमेदवारांना रोजगार व स्वंयरोजगाराच्या संधी उपलब्ध होण्यासाठी सहाय्य होण्याच्या दृष्टीने प्लेसमेंट ड्राईव्ह मेळावा आयोजीत करण्यात आला आहे. या उपक्रमामार्फत तरुणाईला रोजगाराची संधी मिळणार असल्याने प्लेसमेंट ड्राईव्ह बेरोजगारांना आशेचा किरण ठरणार आहे. या मेळाव्यात रोजगार देणा-या धुळे जिल्हयातील तसेच इतर नियोक्ते उपस्थित राहुन प्रत्यक्ष मुलाखती घेणार आहे. या सुवर्णसंधीचा जास्तीत जास्त बेरोजगार गरजू विद्यार्थ्यानी /उमेदवारांनी लाभ घ्यावा.
रोजगार इच्छुक उमेदवारांनी याचा लाभ घेण्यासाठी बायोडाटा व फोटो आणि आधारकार्ड, सेवायोजन नोंदणीसह उपस्थित रहावे. गरजू विद्यार्थ्यांनी प्लेसमेंट ड्राईव्हमध्ये सहभागी होण्यासाठी विभागाच्या www.mahaswayam.gov.in या संकेतस्थळावर नांवनोंदणी करणे आवश्यक आहे. विभागाच्या संकेतस्थळाला भेट देऊन आपल्या शैक्षणिक पात्रतेनुसार पदांची खात्री करुन ऑनलाईन अर्ज करावा. नोकरी इच्छुक उमेदवारांनी अद्यापपर्यत सेवायोजन नोंदणी केली नसल्यास www.mahaswayam.gov.in या संकेतस्थळावर नोंदणी करावी. तसेच यापूर्वी महारोजगार वेबपोर्टलवर नोदणी केली असल्यास सुधारीत संकेतस्थळावर आपला १५ अंकी नोंदणी क्रमांक टाकून लॉगीन करावे आणि मोबाईल व आधार क्रमांक पडताळणी करावा. भरती इच्छुक नियोक्ते यांनी जास्तीत जास्त रिक्तपदे www.mahaswayam.gov.in या संकेतस्थळावर प्लेसमेंट ड्राईव्ह/पंडीत दिनदयाळ उपध्याय रोजगार मेळावा ०२ यावर नोंदणी करावी. याबाबत काही अडचण आल्यास सहाय्यासाठी कार्यालयाच्या ०२५६२-२९५३४१ या दूरध्वनीवर कार्यालयीन वेळेत संपर्क साधण्याचे आवाहन श्री. वाकुडे यांनी केले आहे.