🔸मूल नगर परिषद निवडणूक २०२५ : काँग्रेसमध्ये उत्साह,युवा उमेदवार रितिक गोयल यांना प्रभाग ०५ मध्ये उत्स्फूर्त पाठिंबा..

डॉ. आनंदराव कुळे
मूल तालुका प्रतिनिधी
मो. क्र. ९४०३१७९७२७

मूल – ( इंडिया २४ न्यूज ) : नगर परिषद सार्वत्रिक निवडणूक २०२५च्या पार्श्वभूमीवर मूल शहरातील राजकीय वातावरण तापत असून, काँग्रेस पक्षात जोश, उत्साह आणि नव्या उमेदवाराच्या प्रवेशामुळे सक्रियता वाढलेली दिसते. विरोधी पक्षनेते तथा आमदार विजय वडेट्टीवार आणि प्रदेश कार्यकारिणीचे महासचिव संतोषसिंह रावत यांच्या नेतृत्वाखाली होऊ घातलेली निवडणूक पक्षासाठी महत्त्वाची ठरणार असल्याचे काँग्रेस कार्यकर्त्यांमध्ये बोलले जात आहे. पक्षातील अनुभवी नेतृत्वासोबत श्री. रितिक गोयल या नवख्या युवा होतकरू नेतृत्वास प्रभाग ०५ मधून संधी देण्यात आली आहे.त्यांच्या वचननाम्यात शहर विकास, सुविधा वाढ, स्वयंशिस्त आणि कार्यक्षम प्रशासनावर भर देण्यात आला असून, त्यांनी जनतेमध्ये घराघरांत जाऊन संवाद सुरू केले आहे. ते प्रभागातील जनतेच्या समस्या जाणून घेत असून त्या सोडवीण्यासाठी प्रयत्न करणार असल्याचे जनतेला आश्वासित करत आहेत.
काँग्रेसकडून नगराध्यक्ष पदासाठी सौ. एकता प्रशांत समर्थ यांच्या नावाची चर्चा असून, त्यांनी शहरातील नागरी समस्या, सार्वजनिक गरजा आणि विकासाच्या मुद्द्यांसह निवडणुकीत उतरल्याचे पक्षाकडून स्पष्ट करण्यात आले.निवडणुकीची रणधुमाळी वाढत असतांना श्री. रितिक गोयल यांना प्रभागातील जनतेचा पाठिंबा वाढत आहे.या प्रभागामध्ये स्पर्धात्मक वातावरण निर्माण झाले असून, येत्या काही दिवसांत प्रचार मोहीम आणखी वेग घेणार असल्याचे संकेत मिळत आहेत.सध्यातरी रितिक गोयल यांना प्रभागातील जनतेचा भरघोस पाठिंबा मिळत असून त्यांची जमेची बाजू आहे.