🔸भाजपा सरकारचे विकासात्मक धोरण हेच सर्वसामान्यांच्या प्रगतीची हमी : आमदार देवराव भोंगळे

*🔸सौ. शिल्पा बंनपुरकर*
*🔸संपादक*
*🔸मो नं. 7030292628*

राजुरा – ( इंडिया 24 न्युज ) : शहरासह ग्रामीण भागातील मूलभूत सुविधा, पायाभूत रस्ते, पाणी-वीज यांसह शेतकरी, विद्यार्थी आणि सर्वसामान्यांसाठी राबवल्या जाणाऱ्या योजना या जनतेच्या जीवनमानात सकारात्मक बदल घडवणाऱ्या आहेत. त्यामुळे भाजपा सरकारचे विकासात्मक धोरण हेच सर्वसामान्यांच्या प्रगतीची खरी हमी असल्याचे प्रतिपादन आमदार देवराव भोंगळे यांनी केले.

भाजपा सरकारच्या विकासाभिमुख धोरणांवर आणि लोककल्याणकारी कार्यपद्धतीवर समाधान व्यक्त करीत राजुरा मनसे शहराध्यक्ष ओमकार मेडपल्लीवार यांचेसह अनेक कार्यकर्त्यांनी आज (दि.२४) ला राजुरा येथील भाजपा जनसंपर्क कार्यालयात भाजपात जाहीर पक्षप्रवेश केला. यावेळी ते बोलत होते.

आमदार देवराव भोंगळे पुढे म्हणाले की, भाजपा सेवा व विकासाचा पक्ष आहे. आमच्या कार्यपद्धतीतील पारदर्शकता, तात्काळ निर्णय क्षमता आणि जनतेशी असलेला थेट संवाद यामुळेच विविध पक्षांचे कार्यकर्ते भाजपात दाखल होत आहेत. राजुरा येथील मनसे शहराध्यक्ष ओमकार मेडपल्लीवार यांचेसह नव्याने दाखल झालेल्या सर्व कार्यकर्त्यांमुळे राजुरा तालुक्यातील संघटन अधिक बळकट झाले असून विकासयात्रेला आणखी वेग मिळणार आहे. असेही त्यांनी सांगितले.

यावेळी भाजपमध्ये पक्षप्रवेश केलेल्या नवप्रवेशित कार्यकर्त्यांमध्ये ओमकार मेडपल्लीवार, सुरज बोबडे, आदर्श गोगुलवार, साहिल कटवले ,आकाश भलमे, निरज बोबडे, योगेश गिरसावळे, आफताव शेख,संकेत लोहे यांचा समावेश आहे.

याप्रसंगी नगरपरिषदेचे माजी सभापती तथा भाजपा नेते राधेश्याम अडाणीया,सुरेश धोटे, शहर महामंत्री सचिन भोयर, सागर भटपल्लीवार यांचेसह भाजपा पदाधिकारी व कार्यकर्ते मोठ्या संख्येने उपस्थित होते.