🔹माता सावित्री जयंतीनिमित्त महिलांची धम्मपरिषद उत्साहात संपन्न..

मुख्य संपादक श्री. तुळशीराम जांभुळकर

अकोला – ( इंडिया 24 न्युज ) : दि. ३ जानेवारी शनिवार रोजी माता सावित्रीबाई फुले जयंतीचे औचित्य साधून बुद्ध विहार समन्वय महासंघ, अकोला यांच्या वतीने महिलांची भव्य धम्मपरिषद डॉ. बाबासाहेब आंबेडकर प्रतिष्ठान, खडकी अकोला येथे अत्यंत शिस्तबद्ध व प्रेरणादायी वातावरणात पार पडली. स्त्रीशक्ती, धम्म, समता व सामाजिक बांधिलकीचा जागर करणारा हा कार्यक्रम उपस्थितांच्या मनावर खोल ठसा उमटवणारा ठरला.
या धम्मपरिषदेच्या यशस्वी आयोजनामध्ये अकोला, बुलढाणा, वाशिम व अमरावती जिल्ह्यातील उपासक-उपासिका संघाचे योगदान उल्लेखनीय ठरले. श्रमदान, वेळेचे दान व आर्थिक दान या त्रिसूत्रीच्या आधारे सर्वांनी एकत्र येत कार्यक्रमाला भक्कम पाठबळ दिले. या सर्वांच्या सामूहिक दानातूनच हा उपक्रम अपेक्षित उंचीवर पोहोचला, याबद्दल बुद्ध विहार समन्वय महासंघाने कृतज्ञता व्यक्त केली. या कार्यक्रमाला प्रमुख पाहुणे म्हणून
प्रतिष्ठानचे अध्यक्ष, प्रा. मुकुंदरावजी भारसाकळे, समाजसेवक गजानन हरणे, इंजि. सुभाषरावजी तायडे, देवराज अहिर, प्रल्हादराव इंगोले, सावजी साहेब, रमा घरडे, राष्ट्रपती पुरस्कार प्राप्त झिंगुबाई बोलके, सुनिताताई इंगळे, लताताई सुखदिवे, सुरेशभाऊ इंगळे गुरुजी, मोहनरावजी जामनिक, सुरेंद्रजी घरडे , रमाताई घरडे, पुष्पाताई पळसपगार, सुमनताई तिरपुडे, समाधानची जगताप, शोभा जोंधळे कसली येथील सरपंच बाबुरावजी इंगळे ,
भगवानजी खंडारे , भीमराव गोपनारायण, यांची उपस्थिती व मार्गदर्शन कार्यक्रमाची शोभा वाढवणारी ठरली.बुदविहार या पुस्काचे प्रकाशन या वेळी मान्यवरांच्या हस्ते करण्यात आले.५० बुद्ध विहाराणा धम दानदाते भवसुदंर वाणखडे यांनी १०० सविधन पुस्ककाचे वाटप केले.विशेष उल्लेखनीय बाब म्हणजे धम्मधारा येथील महाप्रज्ञापती महिला संघ, न्यू भीम नगर (अकोला), कावसा येथील रमाबाई महिला संघ तसेच उमरी येथील महिला संघ यांनी वेळात वेळ काढून कार्यक्रमाला उपस्थित राहून महिलांच्या धम्मप्रबोधनात आपली सक्रिय भूमिका बजावली.तसेच या धम्मपरिषदेला भारतीय बौद्ध महासभेचे अध्यक्ष गोरखनाथजी वानखडे,
समता सैनिक दल, अकोलाचे

डॉ. जगदीश वानखडे ,
डॉ. अजयजी सुरवाडे, एस. एस.मेश्राम, रवी जवजाळ,सदिप इंगळे यांसारख्या मान्यवरांनी उपस्थित राहून सहकार्य केले.
माता सावित्रीच्या विचारांना समर्पित, स्त्रीशिक्षण, आत्मसन्मान व धम्मसंस्कारांचा जागर करणारी ही परिषद सामाजिक परिवर्तनाच्या दिशेने टाकलेले एक महत्त्वपूर्ण पाऊल ठरली. या परिषदेला 1000 च्या वर महिलांची उपस्थिती होती. कार्यक्रमाचे संचालक साहेबराव मोरडे , प्रमुख वक्ते धम्मबोधी डोंगरे , नानाभाऊ किरतकार , प्रास्ताविक वसंतरावजी अवचार, स्वागताध्यक्ष मोतीरामजी गायकवाड व पोलीस निरीक्षक रवीभाऊ दामोदर व प्रेमकुमार शेंडे आदी मंचावर उपस्थित होते.तर आभारप्रदर्शन श्री. बुद्ध विहार समन्वय महासंघाचे उपाध्यक्ष मनोहर वानखडे यांनी केले. बुद्ध विहार समन्वय महासंघाच्या वतीने सर्व उपासक-उपासिका, महिला संघटना व मान्यवरांप्रती कृतज्ञता व्यक्त करण्यात आली. ही महिला धम्म परिषद सकाळी ११ वाजता पासून ५ वाजेपर्यंत चालली या परिषदेमध्ये वेगवेगळ्या विषयांवर तज्ञ लोकांनी मार्गदर्शन केले तसेच पुढील ॲक्शन प्लॅन तयार करण्यात येऊन कार्यक्रमाचे नियोजन केले.