▪️विश्वशांती विद्यालयात माजी विद्यार्थ्यांचा स्नेहमिलन सोहळा उत्साहात संपन्न..
*🔸श्री. उज्वल देवनाथ*
*🔸 गडचिरोली जिल्हा ब्युरो चीफ*
*🔸 मो नं. 7499963831*
गडचिरोली – ( इंडिया 24 न्युज ) : येथील विश्वशांती विद्यालय तथा कनिष्ठ महाविद्यालयाच्या सन २०००-२००१ च्या १० वी बॅचच्या माजी विद्यार्थ्यांचा स्नेहमिलन सोहळा २०२६ नुकताच उत्साहात पार पडला. अनेक वर्षांनंतर एकत्र आलेल्या विद्यार्थ्यांनी आपल्या जुन्या आठवणींना उजाळा देत गुरुजनांप्रती कृतज्ञता व्यक्त केली.कार्यक्रमाच्या अध्यक्षस्थानी सेवानिवृत्त मुख्याध्यापक श्री. व्ही. पी.माध्यमशेट्टीवार होते, तर उद्घाटक म्हणून सेवानिवृत्त शिक्षक श्री. डी.पी.बारसागडे उपस्थित होते. यावेळी प्रमुख अतिथी म्हणून विद्यालयातील अनेक सेवानिवृत्त शिक्षक व कर्मचारी उपस्थित होते.
कार्यक्रमाची वैशिष्ट्ये:
गुरुवर्य सन्मान: कार्यक्रमात उपस्थित सर्व शिक्षकांना सन्मानचिन्ह देऊन गौरविण्यात आले.पुन्हा भरली शाळा: विशेष म्हणजे, सर्व माजी विद्यार्थ्यांनी वर्गात (Classroom) बसून शिक्षकांच्या शिकवणीचा पुन्हा एकदा अनुभव घेतला,ज्यामुळे सर्वजण भावूक झाले होते.श्रद्धांजली: दिवंगत शिक्षक व विद्यार्थ्यांना दोन मिनिटे मौन पाळून श्रद्धांजली अर्पण करण्यात आली.
नियोजन व संचालन:
कार्यक्रमाचे प्रास्ताविक श्री. भारत तुंबडे (सहायक जिल्हा पुरवठा अधिकारी, सातारा) यांनी केले. कार्यक्रमाचे संचालन मारोती चापले यांनी केले, तर आभार प्रदर्शन निशांत उराडे (पोलीस शिपाई, गडचिरोली) यांनी मानले.हा सोहळा यशस्वी करण्यासाठी निलेश येगलोपवार,विजय माचेवार, मुक्तेश्वर तांगडे, भुवनेश्वर सातपुते, महेंद्र मेशशेट्टी,गायत्री बारसागडे, अरुणा सहारे,संगीता लोडे यांच्यासह सन २०००-२००१ बॅचच्या सर्व माजी विद्यार्थ्यांनी अथक परिश्रम घेतले. या स्नेहसंमेलनामुळे गुरु-शिष्यांच्या नात्यातील स्नेहबंध पुन्हा एकदा घट्ट झाले.
