आपला जिल्हा ताज्या घडामोडी देश विदेश महाराष्ट्र

🔸स्वर्गीय हिंदू हृदय सम्राट पूजनीय बाळासाहेब ठाकरे यांच्या नावाने असलेल्या वरोरा नाका उड्डाणपुलावरील नाव व छायाचित्र स्वच्छ ठेवण्याबाबत..

🔸संकल्प प्रतिष्ठानच्या वतीने नगरसेविका सौ. श्वेता तोतडे लांडगे यांना निवेदन..

Chief EditorMarch 9, 2026

175

राज जांभुळकर : मुख्य कार्यकारी संपादक

चंद्रपूर – ( इंडिया 24 न्युज ) : स्वर्गीय हिंदू हृदय सम्राट पूजनीय बाळासाहेब ठाकरे यांच्या नावाने चंद्रपूर शहरातील मुख्य मार्गावरील वरोरा नाका उड्डाणपुलाला नाव देण्यात आले आहे. ही चंद्रपूरकरांसाठी अत्यंत अभिमानाची आणि आनंदाची बाब आहे. परंतु सध्या त्या ठिकाणी लावण्यात आलेल्या बाळासाहेब ठाकरे यांच्या छायाचित्राची तसेच त्यांच्या नावाची योग्य प्रकारे देखभाल होत नसल्याचे दिसून येत आहे. यामुळे त्या ठिकाणच्या सन्मानाला बाधा पोहोचत असल्याची भावना नागरिकांमध्ये व्यक्त होत आहे.
म्हणून संबंधित महानगरपालिकेने या बाबीकडे तातडीने लक्ष देऊन त्या ठिकाणी नियमित स्वच्छता ठेवावी, नाव व छायाचित्राची योग्य देखभाल करावी तसेच त्या ठिकाणाचा सन्मान अबाधित राहील यासाठी आवश्यक ती कार्यवाही करावी, अशी नम्र विनंती संकल्प प्रतिष्ठानच्या वतीने करण्यात आली आहे. ही मागणी संकल्प प्रतिष्ठानचे महासचिव प्रणित नामदेव तोडे (चंद्रपूर) यांच्या मार्फत नगरसेविका सौ. श्वेता तोतडे लांडगे यांना देण्यात आलेल्या निवेदनाद्वारे करण्यात आली.