🔸श्री कुंकुमेश्वर स्वामी देवस्थान येथे ६ ते ८ मार्च दरम्यान तीन दिवसीय कल्याण महोत्सवाचे आयोजन..

*🔸श्री. उज्वल देवनाथ*
*🔸 गडचिरोली जिल्हा ब्युरो चीफ*
*🔸 मो नं. 7499963831*

गडचिरोली – ( इंडिया 24 न्युज ) : जिल्ह्यातील सिरोंचा तालुक्यातील जप्राबाद जवळ असलेल्या टेकडा (ताल्ला) येथील पहाडावर वसलेल्या श्री कुंकुमेश्वर स्वामी देवस्थान येथे ६ ते ८ मार्च दरम्यान तीन दिवसीय कल्याण महोत्सवाचे आयोजन करण्यात आले आहे. यात्रेसाठी परिसरासह महाराष्ट्र, तेलंगणा आणि छत्तीसगड येथून भाविक मोठ्या संख्येने येत आहेत.

दरम्यान, यात्रेला येणाऱ्या भाविकांसाठी पाण्याची समस्या दूर करण्यासाठी आमदार तथा माजी कॅबिनेट मंत्री डॉ. धर्मराव बाबा आत्राम यांच्या मार्फत आनंदान करण्यात आले असून राष्ट्रवादी काँग्रेसचे हर्षवर्धन बाबा आत्राम यांच्या पुढाकाराने नवीन बोरवेल खोदण्यात आली आहे.

यावेळी राष्ट्रवादी काँग्रेस तालुकाध्यक्ष मधुकर कोल्लूरी, रवि राल्लाबंडीवार, कोंडाया कटकू, रामकिटू नीलम, राजुबापू, प्रवीण इंदुरी, बिचामाया कुडमेते तसेच भारतीय कम्युनिस्ट पार्टी (भाकप) गडचिरोली जिल्हा सहसचिव सचिन मोटतकूलवार, सूरज भाऊ आणि स्थानिक नागरिक मोठ्या संख्येने उपस्थित होते.