आपला जिल्हा ताज्या घडामोडी देश विदेश महाराष्ट्र

🔸सामाजिक कार्यकर्ती, महिला पत्रकार कुमुदिनी भोयर यांचा वाढदिवस विविध समाजोपयोगी उपक्रमांनी उत्साहात साजरा..

Chief EditorMay 21, 2026

*🔸डॉ. आनंदराव कुळे*
*🔸मुल तालुका प्रतिनिधी*
*🔸मो नं. 9403179727*

मूल – ( इंडिया २४ न्यूज ): – सामाजिक कार्यात सदैव सक्रिय असलेल्या राष्ट्रीय कुणबी महासंघाच्या मूल तालुका महिला युवा अध्यक्षा तथा मूल तालुक्यातील पहिल्या महिला पत्रकार कुमुदिनी भोयर यांचा वाढदिवस यावर्षीही समाजोपयोगी उपक्रमांनी उत्साहात साजरा करण्यात आला. वाढदिवसानिमित्त पर्यावरण संवर्धनाचा संदेश देत वृक्ष लागवड करण्यात आली. तसेच मूल उपजिल्हा रुग्णालयात रुग्णांना फळ वाटप करून त्यांच्या प्रकृतीची विचारपूस करण्यात आली.
दरवर्षीप्रमाणे यंदाही वाढदिवसाचे औचित्य साधून समाजहिताचे उपक्रम राबविण्यात आल्याने उपस्थितांनी समाधान व्यक्त केले. “वाढदिवस हा केवळ आनंद साजरा करण्याचा दिवस नसून समाजासाठी काहीतरी देण्याची संधी आहे,” अशी भावना कुमुदिनी भोयर यांनी यावेळी व्यक्त केली.
या कार्यक्रमाला माजी नगराध्यक्षा सौं.रत्नमाला भोयर, शिवसेना जिल्हाप्रमुख भारती राखडे, सामाजिक कार्यकर्ती तथा जिजाऊ ब्रिगेड अध्यक्षा सौं. संजीवनी वाघरे,सामाजिक कार्यकर्ती सौं.कल्पना मेश्राम, सतीश राजुरवार, शशिकांत गणवीर, सामाजिक कार्यकर्ते निलेश राय, रोहित कामडे , डॉ.आनंदराव कुळे, माजी नगरसेवक मिलिंद खोब्रागडे, सामाजिक कार्यकर्ते मेश्राम सर, प्रफुल मेश्राम, गौरव बावनकर, सामाजिक कार्यकर्ते विशाल नागुलवार, प्रफुल तुंगिडवार, राहुल गिरडकर, साहिल भोयर, साहिल टेकाम आदी सामाजिक कार्यकर्ते मान्यवर उपस्थित होते.
वृक्ष लागवडीमुळे पर्यावरण संरक्षणाचा संदेश तर फळ वाटपामुळे रुग्णांना आधार व दिलासा मिळाला. कुमुदिनी भोयर यांच्या या समाजाभिमुख उपक्रमाचे सर्व स्तरातून कौतुक करण्यात येत आहे.