🔸राजमाता अहिल्यादेवी होळकर त्रिशताब्दी दिना निमित्त जनजागृतीचा संदेश..

राज जांभुळकर : मुख्य कार्यकारी संपादक

चंद्रपूर – ( इंडिया 24 न्युज ) : राजमाता पुण्यश्लोक अहिल्यादेवी होळकर त्रिशताब्दी जन्मोत्सव नागरी समितीच्या वतीने राष्ट्रीय एकात्मता पर्यावरण संवर्धन अभियान अंतर्गत विविध उपक्रमांचे प्रभावी व उत्साहपूर्ण आयोजन करण्यात आले.
दि. 5 जून 2026 रोजी जागतिक पर्यावरण दिनाचे
औचित्य साधून पठाणपुरा गेट बाहेरील मंदिर परिसरात विविध धर्मगुरूंच्या उपस्थितीत माजी मंत्री सुधीर मुनगंटीवार यांच्या शुभहस्ते वृक्षारोपण कार्यक्रम पार पडला. विविध धर्मांच्या माध्यमातून पर्यावरण संवर्धनाचा संदेश देत राष्ट्रीय एकात्मतेचा अनोखा आदर्श या उपक्रमातून घालण्यात आला.
त्यानंतर दि. 7 जून 2026 रोजी
“राईड फॉर भारत” या संकल्पनेखाली चंद्रपूर शहरात विविध सामाजिक संघटनांच्या सहभागातून भव्य सायकल रॅलीचे आयोजन करण्यात आले. या रॅलीद्वारे पर्यावरण संरक्षण, स्वच्छता व आरोग्य याबाबत नागरिकांमध्ये जनजागृती करण्यात आली.
दि. 8 जून 2026 रोजी प्रियदर्शनी सभागृह, चंद्रपूर येथे आयोजित कार्यक्रमात प्रा. विजय घुगे यांचे पर्यावरण विषयावर अत्यंत प्रभावी व मार्गदर्शक व्याख्यान झाले.
“झाडे लावणे ही आजच्या काळाची अत्यंत गरज आहे”
असे प्रतिपादन करत त्यांनी
“पेड़ लगाओ, पानी बचाओ और प्लास्टिक हटाओ” हा संदेश प्रभावीपणे मांडला.
सदर कार्यक्रमास समितीचे अध्यक्ष डॉ. मंगेश गुलवाडे
तसेच कार्यक्रमाचे अध्यक्ष श्री तुषारजी देवपुजारी व्यासपीठावर उपस्थित होते.
कार्यक्रमादरम्यान पर्यावरण कल आज और कल
या विषयावर आधारित सामूहिक नृत्य स्पर्धा या अंतर्गत 10 उत्कृष्ट समूह नृत्य सादर करण्यात आली. या सादरीकरणातून पर्यावरण संवर्धनाचा प्रभावी संदेश प्रेक्षकांपर्यंत पोहोचवण्यात आला.
यासोबत पर्यावरण संवर्धन या विषयावर घोषवाक्य स्पर्धा देखील घेण्यात आली. त्यानंतर स्पर्धकांचा उत्साह वाढवण्यासाठी बक्षीस वितरणाचा कार्यक्रमही पार पडला. या सर्व उपक्रमांच्या यशस्वी आयोजनासाठी समितीचे समन्वयक श्री निलेश काळे, सौ. अर्पणा चिडे, डॉ. भारती दुधानी, सौ. स्वाती काळे, संगिता पोतले, रंजू मोडक, पूजा शेळके, अनिता दवंडे, रेखा घरटे, मयूर भोकरे, महेश आस्कर आदींनी मोलाचे सहकार्य केले.
या कार्यक्रमाला वसंतराव थोटे डॉ. राजेश इंगोले
सुरेश चोपणे दिवाकर थोटे
संदीप पोशट्टीवार रती पोशट्टीवार
डॉ भानुदास दाभेरे मारोतराव मत्ते
डॉ. चक्रवर्ती राहुल पावडे बाळू राठोड डॉक्टर अशोक वासलवार रवी लोणकर डॉ प्रसाद पोटदुखे डॉ पंकज कावळे
डॉ भार्गव बांडे यांची प्रामुख्याने उपस्थिती होती
एकूणच, राष्ट्रीय एकात्मता व पर्यावरण संवर्धनाचा संदेश देणारा हा उपक्रम अत्यंत प्रेरणादायी, जनजागृतीपर आणि यशस्वी ठरला.
कार्यक्रमाचे यशस्वी संचालक संचालन कोमल मडावी तर आभार प्रदर्शन डॉ. भारती दुधानी यांनी केले.