आपला जिल्हा ताज्या घडामोडी देश विदेश महाराष्ट्र

🔶 पोलीस पाटीलाविषयी बदनामीकारक वृत्त प्रसारणाचा निषेध; कायदेशीर कारवाईचा इशारा

Chief EditorJuly 10, 2026

धनराज सरपाते- सिंदेवाही तालुका प्रतिनिधी

सिंदेवाही : (इंडिया २४ न्युज )
दैनिक हिंदू जागर मध्ये दिनांक ७ जुलै २०२६ व ८ जुलै २०२६ रोजी प्रकाशित झालेल्या पोलीस पाटीलबाबतच्या वृत्तावर तीव्र आक्षेप नोंदविण्यात आला आहे. संबंधित वृत्तात कोणतीही खातरजमा न करता पोलीस पाटीलाची प्रतिमा मलीन करण्याचा प्रयत्न करण्यात आल्याचा आरोप निवेदनातून करण्यात आला आहे.

पोलीस पाटील हे शासनाचे गावपातळीवरील महत्त्वाचे घटक असून, गावातील कायदा व सुव्यवस्था राखणे, गुन्हे प्रतिबंध, शासकीय योजनाची माहिती नागरिकापर्यंत पोहचविणे तसेच प्रशासनाला सहकार्य करणे अशा विविध जबाबदाऱ्या ते पार पाडत असतात. अशा परिस्थितीत कोणताही पुरावा नसताना बदनामीकारक मजकूर प्रसिद्ध करणे चुकीचे असल्याचे निवेदनात म्हटले आहे.

संबंधित वृत्त तातडीने मागे घेऊन वस्तूस्थिती स्पष्ट करावी. अन्यथा संपादक, प्रकाशक व सबंधित जबाबदार व्यक्तीविरुद्ध भारतीय न्याय सहितेतील लागू तरतुदीनुसार कायदेशीर कारवाई करण्यात येईल असा इशाराही निवेदनाद्वारे देण्यात आला.

हे निवेदन पोलीस पाटील संघटना यांच्या वतीने पोलीस स्टेशन सिंदेवाही येथे देण्यात आले असून, अदखलपात्र गुन्हा नोंदविला आहे व पोलीस पाटीलांच्या सन्मानाला धक्का पोहोचविणारे वृत्तप्रसारण टाळण्याचे आवाहन करण्यात आले आहे.