आपला जिल्हा ताज्या घडामोडी देश विदेश महाराष्ट्र

🔸सामाजिक बांधिलकी जपत व्याहाड बुज. (मुराड) येथे तान्हा पोळा उत्साहात; बालगोपालांना टिफिन बॉक्सचे वाटप..

Chief EditorSeptember 15, 2026

गडचिरोली जिल्हा ब्युरो चीफ : उज्वल देवनाथ

व्याहाड बुज. (ता. सावली), दि. ११ सप्टेंबर : बळीराजाचा सण असलेल्या पोळ्यानिमित्त सावली तालुक्यातील व्याहाड बुज. (मुराड) येथे बालगोपालांचा तान्हा पोळा उत्सव मोठ्या उत्साहात साजरा करण्यात आला. चिमुकल्यांनी आपले लाकडी नंदीबैल रंगीबेरंगी सजवून या उत्सवात मोठ्या संख्येने सहभाग घेतला.

या उत्सवाचा आनंद द्विगुणित करण्यासाठी राकेश करकाडे, रविंद्र निकेसर आणि दिवाकर गेडाम यांच्या वतीने सामाजिक उपक्रम राबवण्यात आला. नंदीबैल घेऊन आलेल्या प्रत्येक बालमित्राला टिफिन बॉक्स भेट म्हणून देण्यात आला. मागील वर्षीही मुलांना वॉटर बॉटल देऊन प्रोत्साहित करण्यात आले होते.

सकाळपासूनच गावात उत्सवी वातावरण होते. गजानन महाराज व हनुमान मंदिर परिसर, वाल्मिकी चौक आणि होळी चौकात दिंडी, भजन, पूजन आणि हर हर महादेवच्या जयघोषात हा सोहळा भक्तिमय वातावरणात पार पडला. यावेळी ग्रामस्थ मोठ्या संख्येने उपस्थित होते.