🔸वसंतपूरचा फुटबॉल महासंग्राम : गोविंदपूर vs मथुरानगर फायनलचा थरार : डॉ. अशोक नेते यांच्या किकने झाली सुरुवात!

गडचिरोली जिल्हा ब्युरो चीफ : उज्वल देवनाथ

चामोर्शी – ( इंडिया 24 न्युज ) : दि. १२ : वसंतपूर येथे श्री गणेश युवा फुटबॉल क्लब आयोजित भव्य फुटबॉल स्पर्धा-२०२६ चा थरारक समारोप झाला. माजी खासदार तथा भाजप ST मोर्चाचे राष्ट्रीय महामंत्री डॉ. अशोकजी नेते यांच्या प्रमुख उपस्थितीत बक्षीस वितरण सोहळा उत्साहात पार पडला.

स्पर्धेचा अंतिम सामना गोविंदपूर विरुद्ध मथुरानगर या दोन बलाढ्य संघात रंगला. डॉ. नेते यांनी स्वतः मैदानात उतरून खेळाडूंशी हस्तांदोलन केले आणि फुटबॉलला किक मारून फायनलची सुरुवात केली.

यावेळी बोलताना डॉ. नेते म्हणाले, _”क्रिकेट हा माझा आवडता खेळ, पण गडचिरोलीतील बंगाली बहुल गावांतील फुटबॉलची ऊर्जा आणि तरुणांचा जोश पाहून आता फुटबॉलनेही मला आकर्षित केले आहे.”_

याप्रसंगी भाजपचे जिल्हा उपाध्यक्ष डॉ. प्रणय खुणे, मंडल अध्यक्ष राकेश सरकार, गौर मंडल, परिमल रॉय यांच्यासह आयोजक कुमारेश मंडल, दिनेश मंडल व मोठ्या संख्येने क्रीडाप्रेमी उपस्थित होते.