🔸गडचिरोलीत चिमुकल्यांचा तान्हा पोळा उत्साहात; डॉ. अशोक नेते यांच्याकडून बालगोपालांचा सन्मान..

गडचिरोली जिल्हा ब्युरो चीफ : उज्वल देवनाथ

गडचिरोली – ( इंडिया 24 न्युज ) : दि. 11 : रेड्डी गोडाऊन चौक येथे हर हर महादेव तान्हा पोळा मंडळातर्फे तान्हा पोळा उत्सव मोठ्या उत्साहात साजरा झाला. यावेळी माजी खासदार डॉ. अशोक नेते यांनी उपस्थित राहून लहान मुलांनी सजवलेल्या नंदीबैलांचे कौतुक केले.

स्पर्धेतील विजेत्या बालगोपालांना त्यांच्या हस्ते रोख पारितोषिके आणि बक्षिसे देण्यात आली. सर्व मुलांना खाऊ व शालेय साहित्य किटचे वाटप करण्यात आले.

त्यानंतर डॉ. नेते यांनी आशीर्वाद नगर, राधे बिल्डिंग परिसरातील तान्हा पोळा उत्सवाला भेट देऊन नंदीबैल पूजन केले व नागरिकांना शुभेच्छा दिल्या.

यावेळी नगराध्यक्षा अॅड. प्रणोती निंबोडकर, सीमा कन्नमवार, अरुण निंबोरकर, नंदू कुमरे यांच्यासह अनेक मान्यवर उपस्थित होते.