🔸गडचिरोलीत रानटी हत्तींचा धुमाकूळ, चुरमुरा – पोर्ला परिसरात धान पिकांची अतोनात नासधूस!

गडचिरोली जिल्हा प्रतिनिधि उज्वल देवनाथ

गडचिरोली – ( इंडिया 24 न्युज ) : शहराजवळील चुरमुरा आणि पोर्ला वनपरिक्षेत्रात गेल्या काही दिवसांपासून रानटी हत्तींच्या कळपाने धुमाकूळ घातला आहे.यात एकुण ३४ हत्ती चा कळप आहे.
या हत्तींनी शेतकऱ्यांच्या उभ्या धान पिकाची प्रचंड नासधूस केली असून, परिसरात घबराटीचे वातावरण पसरले आहे. या घटनेची गांभीर्याने दखल घेत माजी खासदार तथा भाजप अनुसूचित जनजाती मोर्चाचे राष्ट्रीय महामंत्री डॉ. अशोकजी नेते यांनी चुरमुरा येथे थेट शेताच्या बांधावर पोहोचून नुकसानीची प्रत्यक्ष पाहणी केली आणि गावकऱ्यांना धीर दिला.

आकापूर, सूर्यडोंगरी, गणेशपूर आणि सिर्शी या भागांत धुमाकूळ घातल्यानंतर हत्तींच्या कळपाने आता चुरमुरा परिसरात मुक्काम ठोकला आहे. हत्तींनी शेतकऱ्यांचे अतोनात नुकसान केले असून उभी पिके तुडवून मातीमोलात मिळवली आहेत. केवळ शेतपिकांचेच नव्हे, तर पाड्यावर तुर कडधान्याची नासधूस केली. हत्तींच्या या वावरामुळे शेतकरी व स्थानिक गावकऱ्यांमध्ये कमालीची हळहळ आणि भीतीचे वातावरण आहे.
*मुख्य वनसंरक्षकांना घटनास्थळावरूनच थेट आदेश*
परिस्थितीचे गांभीर्य ओळखून माजी खासदार डॉ. अशोकजी नेते यांनी घटनास्थळावरूनच गडचिरोलीचे मुख्य वनसंरक्षक (CCF) गजेंद्र नरवाणे यांच्याशी दूरध्वनीद्वारे संपर्क साधला.”हत्तींना तात्काळ मानवी वस्ती व शेतीभागातून माघारी हाकलून लावा, तसेच बाधित शेतकऱ्यांच्या नुकसानीचे त्वरित पंचनामे करून त्यांना तात्काळ भरपाई मिळवून द्या,” असे कडक निर्देश त्यांनी वनविभागाला दिले.

गावकऱ्यांना सतर्कतेचे आवाहन पाहणी दरम्यान डॉ. अशोकजी नेते यांनी गावकऱ्यांशी संवाद साधून सुरक्षेच्या दृष्टीने खालील महत्त्वाच्या सूचना केल्या:
एकटे जंगलात जाणे टाळा: शेतात किंवा जंगलात काम करताना नागरिकांनी एकटे जाऊ नये.
* गटाने वावर करा: हत्तींचा कळप आसपास असल्याने बाहेर पडताना नेहमी ४ ते ५ जणांच्या गटानेच जावे.
* तात्काळ माहिती द्या: हत्तींच्या हालचालींचा सुगावा लागल्यास तात्काळ इतर गावकरी आणि वनविभागाच्या कर्मचाऱ्यांना सूचित करा.

या पाहणी दौऱ्यात माजी खासदार डॉ. अशोकजी नेते यांच्यासोबत जिल्हा महामंत्री सदानंद कुथे सर, वनपरिक्षेत्र अधिकारी आर. डी. पाचभाई, कामगार आघाडीचे जिल्हा अध्यक्ष सुधाकर पेटकर, वनरक्षक टेकामजी, डी. आर. रोखडे, दशरथ सोनटक्के, धुरंधर सातपुते, अमर बोबाटे, विकास पायडलवार, विलास चंदनखेडे यांच्यासह वनविभागाचे इतर अधिकारी, कर्मचारी आणि ग्रामस्थ मोठ्या संख्येने उपस्थित होते.