आपला जिल्हा ताज्या घडामोडी देश विदेश महाराष्ट्र

🔹 चंद्रपूरची पवित्र दीक्षाभूमीला हडपण्याचा भाजपाचा दीर्घकालीन कट : मयूर राईकवार जिल्हाध्यक्ष ( AAP)

Chief EditorAugust 5, 2025

मुख्य संपादक श्री. तुळशीराम जांभुळकर

चंद्रपूर – ( इंडिया 24 न्युज ) : दि. : ०५ ऑगस्ट २०२५ “पवित्र दीक्षाभूमीला” हडपण्याचा भाजपाचा दीर्घकालीन कट मयूर राईकवार जिल्हाध्यक्ष AAP गेल्या काही दिवसांपासून चंद्रपूरमध्ये एक धक्कादायक प्रकार घडतोय. शहरातील गांधी चौक परिसरात स्थानिक आमदारांनी आपल्या आईच्या नावाने “अम्मा चौक” या नावाचा प्रस्ताव पालिकेकडे दिला आणि त्याला मान्यता मिळाली. नागरिकांच्या विरोधानंतर ते काम बंद पडले. परंतु आणखी गंभीर बाब म्हणजे चंद्रपूरातील पवित्र आणि ऐतिहासिक दीक्षाभूमी परिसरात जिथे डॉ. बाबासाहेब आंबेडकरांनी दुसरी दीक्षा दिली, त्या ठिकाणी “अम्मा की पढाई” या नावाने आमदार यांच्या आईच्या नावाने एक केंद्र मागील सहा महिन्यांपासून सुरू करण्यात आले. हाच परिसर डॉ. बाबासाहेब आंबेडकर कॉलेज आणि “पवित्र दीक्षाभूमी” या नावाने ओळखला जात होता, परंतु आता त्या ठिकाणी एका तिसऱ्या ‘ओळखीचा’ कटपद्धतीने प्रचार सुरु झालाय.

सदर ठिकाणी सध्या महापालिकेच्यावतीने सुरु असलेल्या सौंदर्यीकरणाच्या कामावरही आम आदमी पक्षाने प्रश्न उपस्थित केला आहे. जर ते फक्त सौंदर्यीकरण आहे, तर त्याचे डिझाईन जनतेसमोर का सादर केले जात नाही? आम्ही स्पष्ट सांगतो की – मुद्दा उचलल्यानंतर डिझाईन बदलणे शक्य आहे. आणि त्यामुळे कोणत्याही गुप्त अजेंड्याला आम आदमी पक्ष उघड करत राहील.

आज आरएसएस आणि भाजप यांचं दीर्घकालीन षड्यंत्र संपूर्ण देशभर दिसून येत आहे. “बौद्धगया” प्रमाणे, “नागपूरच्या दीक्षाभूमी परिसरात आणि आता “चंद्रपूरच्या पवित्र भूमीत” हे लोक एक नवीन, मनुवादी ओळख निर्माण करण्याचा कट रचत आहेत. या पवित्र जागांवर आपले लोक बसवून, स्मारकांच्या नावाखाली हळूहळू बाबासाहेब आंबेडकरांचा इतिहास पुसण्याचा, आणि मनुस्मृती लादण्याचा भाजप आणि आरएसएसचा डाव आहे.

हेच भाजप आणि आरएसएस कट्टर कार्यकर्ते स्मारकाच्या नावाने “अम्मा की पढाई” केंद्र उभारून दीक्षाभूमीच्या ऐतिहासिकतेला वारसा मिटविण्याचे कट करत आहेत. उद्या हे लोक पालिकेत ठराव आणून दीक्षाभूमीला “हेडगेवार स्मारक” करण्याचाही प्रयत्न करू शकतात. कारण हे लोक संविधान बदलू शकतात, सत्य दडपून टाकू शकतात, आणि जनतेच्या भावना पायदळी तुडवू शकतात. पण चंद्रपूरातील जनता झोपलेली नाही! आणि आम आदमी पक्ष हा कट कधीच खपवून घेणार नाही.

▪️आमची मागणी स्पष्ट आहे. 🔹”पवित्र दीक्षाभूमी परिसरात तिसरी ओळख निर्माण होऊ नये.
🔹सौंदर्यीकरणाच्या डिझाईनची संपूर्ण माहिती सार्वजनिक करण्यात यावी.
🔹पवित्र दीक्षाभूमी परिसरात कोणत्याही तिसऱ्या ओळखीचा प्रयत्न थांबवण्यात यावा.

हा लढा “सत्यासाठी, संविधानासाठी आणि डॉ. बाबासाहेब आंबेडकरांच्या विचारांसाठी आहे. आम आदमी पक्ष जनतेच्या बळावर हे षड्यंत्र उधळून लावेल! मयूर राईकवार – जिल्हाध्यक्ष – आम आदमी पक्ष, चंद्रपूर