🔸न. प. मूल निवडणूक :- प्रभाग ०५ मध्ये युवा उमेदवार ऋतिक गोयल यांची दमदार एन्ट्री प्रभागातील मतदारांचा भरघोस पाठिंबा..

डॉ. आनंदराव कुळे
मूल तालुका प्रतिनिधी
मो. क्र. ९४०३१७९७२७

मूल – ( इंडिया २४ न्यूज ) : प्रभाग क्रमांक ५ मधून नगरसेवक पदासाठी नुकतीच आपली उमेदवारी दाखल करताना युवक ऋतीक गोयल यांनी स्थानिक पातळीवर पुढाकार घेण्याची तयारी दर्शवली आहे. ऋतीक गोयल हे शिक्षित, तरुण आणि सुस्वभावी म्हणून परिसरात ओळखले जातात. समाजकार्यातील सहभाग आणि विविध स्थानिक उपक्रमांमधील सक्रिय उपस्थितीमुळे त्यांची जनसंपर्काची भक्कम पायाभरणी झाल्याचे बोलले जाते.
उमेदवारी जाहीर करताना ऋतीक गोयल यांनी प्रभागातील मूलभूत सुविधा, तरुणांसाठी संधी आणि परिसराच्या सर्वांगीण विकासावर लक्ष केंद्रित ठेवण्याची इच्छा व्यक्त केली. त्यांच्या मते, स्थानिक समस्यांबाबत नागरिकांशी थेट संवाद साधणे आणि त्यांचे समाधान शोधण्यासाठी प्रशासनाशी समन्वय साधणे हे स्थानिक प्रतिनिधींचे महत्त्वाचे कर्तव्य आहे.
प्रभागातील समस्याची जाण असणाऱ्या तरुण चेहऱ्याला राजकारणात पुढे येण्याची संधी मिळाल्याचे मतदारांनी समाधानही व्यक्त केले आहे.