आपला जिल्हा ताज्या घडामोडी महाराष्ट्र राजकीय

🔸मूल नगरपरिषद निवडणुकीत काँग्रेसच्या नगराध्यक्ष पदाच्या उमेदवार सौ.एकता प्रशांत समर्थ यांचा शानदार विजय..!

🔸काँग्रेस चे २० पैकी १८ नगरसेवक विजयी..!

Chief EditorDecember 21, 2025

202

{"remix_data":[],"remix_entry_point":"challenges","source_tags":["default"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"border":1},"is_sticker":false,"edited_since_last_sticker_save":true,"containsFTESticker":false}

🔸मूल नगरपरिषद निवडण

डॉ. आनंदराव कुळे
मूल तालुका प्रतिनिधी
मो. क्र. ९४०३१७९७२७

मुल – ( इंडिया २४ न्यूज ) : मूल नगर परिषद निवडणुकीत राजकीय तापमान चढल्याचे दिसले असतांना नगराध्यक्ष पदाच्या निवडणुकीत सर्वाधिक दबाव सत्ताधारी भाजप आणि स्थानिक आमदार सुधीर मुनगंटीवार यांच्यावर वाढल्याचे दिसले.

०२ डिसेंबर २०२५ रोजी मूल नगरपालिकेचे मतदान झाले होते. ०३ डिसेंबर रोजी निकाल जाहीर होणार होता मात्र न्यायालयाच्या निर्देशानुसार २१ डिसेंबर २०२५ निकाल जाहीर करण्यात आला.

त्यामुळे मतदारांमध्ये निकालाची प्रचंड उत्सुकता शिगेला पोहोचली होती.दावे प्रतिदावे काँग्रेस भाजप कडून करण्यात येत असतांना पैजा सुध्दा लावण्यात आल्याच्या चर्चा होत्या.

निवडणुकी दरम्यान काँग्रेसच्या नगराध्यक्ष पदाच्या उमेदवार सौ.एकता प्रशांत समर्थ यांच्या प्रचाराला मोठ्या प्रमाणात प्रतिसाद मिळत असल्याचे दिसून येत होते आणि त्याचे रूपांतर मतदानात होणार असल्याचे स्पष्ट चित्र दिसत होते.

मूल शहरातील मतदारांची भाजपच्या काही माजी नगरसेवकांबद्दल व्यक्त होणारी नाराजी,वाढते स्थानिक प्रश्न आणि भाजपच्या तिकीट निवडीतील गोंधळ या सर्वांचा परिणाम काँग्रेसच्या नगराध्यक्ष पदाच्या उमेदवार सौ.एकता समर्थ यांच्या बाजूने झुकताना निवडणुकीत दिसला. त्याचे प्रत्यय निकालात काँगेसच्या नगराध्यक्ष पदाच्या उमेदवार सौ.एकता प्रशांत समर्थ यांच्या विजयात झाल्याचे स्पष्ट दिसते.सोबतच काँग्रेसचे २० पैकी १८नगरसेवक पदाचे उमेदवार निवडून आले. भारतीय जनता पार्टीचे फक्त ०२ नगरसेवक पदाचे उमेदवार निवडून आले.

आमदार सुधीर मुनगंटीवार यांनाच निवडणूक प्रचारात प्रत्यक्षात कसरत करावी लागली आणि तरीही भारतीय जनता पार्टीला पराभवास सामोरे जावे लागल्याची जनतेत चर्चा असल्याचे दिसून आले.

शांत स्वभाव, स्पष्ट व्हिजन आणि भक्कम जनसंपर्क यामुळे
मतदारांचा कल काँग्रेसच्या उमेदवार एकता समर्थ यांच्या बाजूने होता.त्या शांत, संयमी स्वभावाच्या म्हणून ओळखल्या जातात.

गेल्या काही वर्षांत त्यांनी विविध सामाजिक उपक्रमांद्वारे महिलांमध्ये, युवकात आणि ज्येष्ठ नागरिकांमध्ये भक्कम विश्वास निर्माण केला होता.

भाजपने तिकीट निवडीत अखेरच्या क्षणी केलेल्या
उलटफेरीमुळे शहरात असंतोष निर्माण झाला होता. सर्वेक्षणाचा दावा आणि उमेदवारीत केलेला अचानक बदल या सर्वामुळे मतदारांमध्ये निर्माण झालेला गोंधळ निकालात दिसून आला. याचा थेट राजकीय फायदा काँग्रेसच्या नगराध्यक्ष पदाच्या उमेदवार सौ. एकता प्रशांत समर्थ यांना मिळाला.सोबतच काँग्रेसच्या नगरसेवक पदाच्या उमेदवारांना मिळाला.

शहरातील तरुण मतदार, महिलांचा वाढता सहभाग आणि स्थानिक प्रश्नांना तातडीचे समाधान हवे असल्याची भावना यामुळे परिवर्तनाची हवा अधिक वेगाने वाहू लागली होती.

काँग्रेसच्या कार्यकर्त्यांनी घराघरात केलेला प्रचार, एकता समर्थ यांची सकारात्मक प्रतिमा आणि स्थानिक पातळीवरील भाजपमध्ये असंतोष या संमिश्र परिणामामुळे काँग्रेस ची ताकद दिवसेंदिवस वाढताना दिसत होती.

गेल्या अनेक वर्षापासून भाजपची एकहाती सत्ता होती. त्यामुळे जनतेला सुद्धा बदल हवा आहे असा जनमानसात मतप्रवाह सुरू होता.

त्याचे पर्यवसान आज निकालातुन दिसून आले.काँगेसच्या नगराध्यक्ष पदाच्या उमेदवार सौ.एकता प्रशांत समर्थ यांनी भाजपाच्या नगराध्यक्ष पदाच्या उमेदवार प्रा.किरण कापगते यांचा पराभव करून विजय संपादन केला.

मूल नगरपालिकेत काँग्रेसच्या नगराध्यक्ष पदाच्या उमेदवार सौ.एकता प्रशांत समर्थ या भाजपच्या उमेदवाराचा पराभव करून विजय मिळविल्यामुळे काँगेस कार्यकर्त्यांमध्ये जल्लोषाचे वातावरण आहे.