🔹घुग्घुस येथे स्मृतिप्रीत्यर्थ दुबे परिवार तर्फे पंचशील बौद्ध विहार बांधकामासाठी दहा हजार रुपये धम्मदान..

मुख्य संपादक श्री. तुळशीराम जांभुळकर

घुग्घुस – ( इंडिया 24 न्युज ) : समाजातील विविध कार्यक्रम साधेपणाने साजरे करून त्या माध्यमातून समाजहितासाठी निधी उभारण्याची संकल्पना भारतीय बौद्ध महासभा शाखा घुग्घुस तर्फे राबविण्यात येत आहे. अध्यक्ष सुरेशभाऊ मल्हारी पाईकराव, विहार बांधकाम कोषाध्यक्ष हेमंत आनंदराव पाझारे, कार्याध्यक्ष चंद्रगुप्त फकरु घागरगुंडे, तसेच सल्लागार बबन बालाजी वाघमारे आणि विजय कवाडे यांनी ही समाजोपयोगी संकल्पना पुढे आणली आहे.
या संकल्पनेनुसार मयताचा तिसरा दिवस, वाढदिवस, लग्न वाढदिवस, गृहप्रवेश आदी कार्यक्रम मोठ्या प्रमाणावर न करता साधेपणाने साजरे करून त्यातून वाचणारा निधी समाजकार्यासाठी दान करण्याचे आवाहन अध्यक्ष सुरेशभाऊ मल्हारी पाईकराव यांच्या कडुन करण्यात आले आहे. या उपक्रमामुळे समाजातील अनेक रखडलेल्या कामांना गती मिळू शकते.
या संकल्पनेला प्रतिसाद देत आज दिनांक 14 मार्च 2026 रोजी स्मृतिशेष अशोक सुखदेवजी दुबे यांच्या प्रथम पुण्यस्मरणानिमित्त त्यांच्या पत्नी आयुनी. विद्याताई अशोक दुबे तसेच मुली आकांक्षा अशोक दुबे आणि आचल अशोक दुबे यांनी घुग्घुस येथे सुरू असलेल्या नवनिर्मित पंचशील बौद्ध विहार बांधकामासाठी १०,००० रुपये धम्मदान दिले.
यावेळी भारतीय बौद्ध महासभा शाखा घुग्घुसचे अध्यक्ष सुरेशभाऊ मल्हारी पाईकराव, विहार बांधकाम कोषाध्यक्ष हेमंत आनंदराव पाझारे, कार्याध्यक्ष चंद्रगुप्त फकरु घागरगुंडे, सल्लागार बबन वाघमारे, विजय कवाडे, विद्याताई अशोक दुबे, आचल अशोक दुबे, आकांक्षा अशोक दुबे आदी उपस्थित होते.
समाजहिताच्या या उपक्रमाचे सर्वत्र कौतुक होत असून इतर नागरिकांनीही या संकल्पनेत सहभागी होऊन समाजकार्याला हातभार लावावा, असे आवाहन करण्यात आले आहे.