🔸गुरु-शिष्यांचे जुन्या आठवणींनी उजाळला शाळा परिसर..

डॉ. आनंदराव कुळे
मूल तालुका प्रतिनिधी
मो. क्र. ९४०३१७९७२७

मुल – इंडिया 24 न्युज ) : -४२ वर्षांनंतर नवभारत विद्यालय, मूल येथे १९८२-८३ च्या विद्यार्थ्यांचा कृतज्ञता सोहळागुरु-शिष्यांचे जुन्या आठवणींनी उजाळला शाळा परिसरमूल: शाळेतील दिवस हेआयुष्यभराची भांडवल असतात’, असे म्हटले जाते, आणि त्याची प्रचीती आली १३ सप्टेंबर रोजी नवभारत विद्यालय, मूल येथे. सन १९८२-८३ मध्ये इयत्ता दहावीत शिकलेल्या विद्यार्थ्यांच्या बॅचने तब्बल ४२ वर्षांनंतर एकत्र येत आपल्या शिक्षकांप्रती कृतज्ञता व्यक्त करण्यासाठी आणि जुन्या आठवणींना उजाळा देण्यासाठी भव्य ‘कृतज्ञता सोहळा व स्नेहमिलन’ आयोजित केला. सुरुवात वृक्षारोपण व स्वागताने कार्यक्रमाची सुरुवात सकाळी ११.३० वाजता वृक्षारोपण करून झाली. या उपक्रमातून पर्यावरण संवर्धनाचा संदेश देण्यात आला. त्यानंतर माजी विद्यार्थ्यांचे नोंदणी स्वागत समारंभ रंगला. गुरुंना शाल-श्रीफळ देऊन गौरव दीपप्रज्वलन आणि प्रार्थनेनंतर सर्व उपस्थितांनी एकाच भावनेने आपल्या गुरुंना शाल व श्रीफळ देऊन कृतज्ञता व्यक्त केली. सत्कारित शिक्षकांमध्ये एस. डी. धर्माधिकारी, एम. के. बक्षी, जी. एम. नागापुरे, बी. ए. खान, पी. वाय. पुल्लकवार, डी. के. बंडावार, पी. के. वीरगमवार, के. जी. बोडखे यांचा विशेष सत्कार करण्यात आला. दिवंगत गुरु- विद्यार्थ्यांना श्रद्धांजली सोहळ यात शिक्षक आणि सहाध्यायी जे आता हयात नाहीत, त्यांना स्मरण करून उपस्थितांनी शांततेचा क्षण पाळला. भावनिक वातावरणात सर्वांनी त्या व्यक्तींना श्रद्धांजली अर्पण केली. आठवणीं चा वर्षाव – आनंद व हास्याची बरसात शिक्षक व विद्यार्थ्यांनी आपल्या शालेय काळातील गमती-जमती, किस्से, वर्गातील खोड्या आणि स्पर्धांच्या आठवणी सांगत वातावरण रंगवले. अनेकांनी आपल्या यशाचे श्रेय गुरुजनांना देत त्यांच्या मार्गदर्शनाने जीवन कसे घडले हेसांगितले. ‘त्या काळातील शिस्त. प्रेम, आणि शिक्षण यामुळेच आम्ही आज समाजात स्थिरावलो,’ असे मनोगतात विद्यार्थ्यांनी व्यक्त केले. समारोप छायाचित्र व भोजनाने कार्यक्रमाच्या शेवटी सर्व उपस्थितांनी एकत्र येत समूह छायाचित्र काढले. नंतर आयोजित भोजनाचा आस्वाद घेत जुन्या मैत्रीच्या गप्पांना नवे पंख मिळाले. आयोजकांचा उत्साह या कार्यक्रमाचे प्रमुख सूत्रधार राजेंद्र राजुरकर, रविंद्र बोकारे, महेश टहलियानी व त्यांच्या सहकाऱ्यांनी कार्यक्रम यशस्वी होण्यासाठी परिश्रम घेतले. ‘आपल्या गुरुंना प्रत्यक्ष भेटून त्यांचे आशीर्वाद घेण्याची संधी हीच आमच्यासाठी मोठी संपत्ती आहे,’ असे राजुरकर यांनी सांगितले.