🔸कार्यकर्त्यांच्या निष्ठा आणि कष्टांमुळेच भाजप विश्वातील सर्वात मोठा पक्ष – आमदार देवराव भोंगळे

🔸भाजपा स्थापना दिनानिमित्त आमदार देवराव भोंगळे यांच्या हस्ते राजुऱ्यात ध्वजारोहण..

Chief EditorApril 7, 2026

राज जांभुळकर : मुख्य कार्यकारी संपादक

राजुरा – ( इंडिया 24 न्युज ) : दि.०६ राष्ट्र प्रथम, त्यानंतर पक्ष आणि शेवटी स्वतः हा मूलमंत्र उराशी बाळगून अहोरात्र कार्य करणाऱ्या कोट्यवधी कार्यकर्त्यांमुळेच भारतीय जनता पक्ष आज विश्वातील सर्वात मोठा आणि प्रभावी राजकीय पक्ष बनला आहे, असे प्रतिपादन आमदार देवराव भोंगळे यांनी केले. भारतीय जनता पक्षाच्या ४६ व्या स्थापना दिनानिमित्त राजुरा येथील भाजपा जनसंपर्क कार्यालयात आयोजित ध्वजारोहण सोहळ्यात ते बोलत होते.

भारतीय जनता पक्षाचा ४६ वा स्थापना दिन राजुरा येथील भाजपा कार्यालयात अत्यंत उत्साहात साजरा करण्यात आला. या निमित्ताने राजुरा येथील जनसंपर्क कार्यालयात आमदार देवराव भोंगळे यांच्या प्रमुख उपस्थितीत भाजपचे ज्येष्ठ नेते राजेंद्र गांधी यांचे हस्ते ध्वजारोहण करण्यात आले.

आमदार देवराव भोंगळे यांनी कार्यकर्त्यांशी संवाद साधत, पक्षाच्या गौरवशाली प्रवासाचा उल्लेख केला. गेल्या ४६ वर्षांत संघटन, समर्पण आणि राष्ट्रसेवेची त्रिसूत्री जोपासत भाजपने देशाच्या प्रगतीला नवे आयाम दिले आहेत. ‘सबका साथ, सबका विकास, सबका विश्वास’ या ध्येयवाक्याला सत्यात उतरवून समाजातील शेवटच्या घटकापर्यंत न्याय पोहोचवण्याचे कार्य पक्ष सातत्याने करत आहे, असेही त्यांनी नमूद केले.

कार्यक्रमाच्या ठिकाणी उभारलेल्या विशेष सेल्फी पॉइंटवर कार्यकर्त्यांनी मोठ्या उत्साहात सेल्फी काढले. यावेळी ‘भारत माता की जय’ आणि पक्षाच्या समर्थनार्थ कार्यकर्त्यांनी केलेल्या जयघोषाने जनसंपर्क कार्यालय परिसर हर्षित झाला होता. कार्यक्रमाच्या शेवटी आमदार देवराव भोंगळे यांनी सर्व सहकाऱ्यांना स्थापना दिनाच्या मन:पूर्वक शुभेच्छा देत आगामी काळात अधिक जोमाने जनसेवेसाठी सक्रिय राहण्याचे आवाहन केले.

या सोहळ्याला भाजपाचे जिल्हा महामंत्री विवेक बोढे, तालुकाध्यक्ष वामन तुराणकर, शहराध्यक्ष सुरेश रागीट, भाजपा नेते राधेश्याम अडाणीया, शहर महामंत्री सचिन भोयर, सुरेश धोटे, मंगेश श्रीराम, महिला मोर्चाच्या शहराध्यक्षा माया धोटे, विनोद नरेंदुलवार, नगरसेवक भूपेश मेश्राम, प्रफुल कावळे, मयुरी पहानपटे, ग्रामीण महामंत्री सचिन बल्की, भाजयुमो शहराध्यक्ष प्रफुल घोटेकर, राजेश वाटेकर, सिनू उत्नुरवार, छबिलाल नाईक, प्रदीप मोरे, निळकंठ कावळे, अभिजीत कोंडावार, नितीन सिडाम, प्रदीप गावत्रे, नितीन पावडे, उज्ज्वला जयपूरकर, ममता केशट्टीवार, प्रीती रेकलवार, लक्ष्मी बिश्वास, योगिता तेजस्विनी कावळे, रजनी बोढे, रेश्मा चव्हाण, माधुरी लांडे, मंगला काळे, शांता कदम, अरुणा गोवत्रे, संगीता डाहुले, साधना लांडे, सोनाबाई डाखरे, मंगेश दुर्गे, रवींद्र आत्राम, स्वप्नील पहानपटे, विवेक राठोड, संतोष रामगिरवार, स्वप्नील साळुंखे, नीरज बोबडे, ओम रागीट, जितेश धोटे, सुनील ढवळे यांच्यासह मोठ्या संख्येने पदाधिकारी, कार्यकर्ते आणि समर्थक उपस्थित होते.