🔸सुवर्णपदक पटकावणारे नागभीडचे सुपुत्र श्री विजय संजय दैवलकर यांची महेंद्रभाऊ ब्राम्हणवाडे यांनी भेट

गडचिरोली जिला प्रतिनिधि उज्वल देवनाथ

आंतरराष्ट्रीय वेटलिफ्टिंग स्पर्धेत ६८ किलो वजनी गटात सुवर्णपदक पटकावणारे नागभीडचे सुपुत्र श्री विजय संजय दैवलकर यांची महेंद्रभाऊ ब्राम्हणवाडे यांनी भेट घेऊन त्यांच्या कामगिरीबद्दल मनःपूर्वक अभिनंदन केले. अत्यंत मेहनत, कठोर सराव, सातत्य आणि जिद्दीच्या जोरावर श्री विजय दैवळकर यांनी आंतरराष्ट्रीय स्तरावर मिळविलेले हे यश निश्चितच कौतुकास्पद आहे. त्यांच्या या यशामुळे नागभीडच्या क्रीडा क्षेत्राची मान उंचावली असून, स्थानिक युवा खेळाडूंना नवी प्रेरणा मिळाली आहे.

यावेळी महेंद्रभाऊ ब्राम्हणवाडे यांनी विजय यांच्या पुढील क्रीडा प्रवासासाठी शुभेच्छा देत, आंतरराष्ट्रीय स्तरावर आपल्या कामगिरीचा ठसा उमटवत भविष्यातही देशाचे नाव अभिमानाने उंचवावे, अशी सदिच्छा व्यक्त केली.

यावेळी नागभीड तालुकाध्यक्ष प्रमोदभाऊ चौधरी,राजेद्र मेश्राम सर, हरिष मूळे,विजय अमृतकर,हेमत गुरफुडे व कुटुंबिय उपस्थित होते.