🔸तोहोगावंच्या शिरपेचात आणखी एक मानाचा तुरा..!!

*🔸सौ. शिल्पा बंनपुरकर*
*🔸संपादक*
*🔸मो नं.7030292628*

चंद्रपूर – ( इंडिया 24 न्युज ) : गोंडपिपरी तालुक्यातील तोहोगाव येथील शरदचंद्र महाजन (गुरुजी) यांचा लहान मुलगा कृणाल उर्फ विक्की शरदचंद्र महाजन याची महाराष्ट्र लोकसेवा आयोग (MPSC ) नुकतीच निवड झाली असून तो सहसंचालक स्थानिक निधी लेखा परीक्षा पुणे विभाग पुणे येथे महसूल सहाय्यक पदी रुजू झाला आहे,ही तोहोगाव साठी अभिमानाची व आनंदाची बाब आहे
*नोकरी घेऊनच पुण्यातुन परत येईल हा अखेर वडीलांना दिलेला शब्द विक्की ने पाळला* तोहोगाव येथील सुपरिचित व्यक्तिमत्व स्व.शरदचंद्र महाजन (गुरुजी) माजी शिक्षण विस्तार अधिकारी राजुरा, माजी उच्चश्रेणी मुख्याध्यापक तोहोगाव ज्यांनी उत्तम अशी शिक्षणक्षेत्रात, सामाजिक, राजकीय कामगिरी केली, अनेक गोरगरीबाची सेवा केली,असाध्य अश्या आजारावर आयुर्वेदिक उपचार केले,त्यांच्या याच गोर गरीबांच्या सेवेचे फलीत म्हणून ईश्वराने आशिर्वाद रूपात मुलाला शिक्षणाचे माहेर घर पुणे येथे नोकरी मिळाली,
तोहोगाव हे गाव तसे शिक्षणाचे व नोकरीचे माहेर घर आहे, अनेक विध्यार्थी या गावातून स्पर्धा परीक्षेत, मेडिकल क्षेत्रात, सैनिक,पोलीस,फ़ॉरेस्ट भरती व वेगवेगळ्या क्षेत्रात आपले स्वतःचे व गावाचे नाव दरवर्षी उंचावत असतात,
विक्कीचे प्राथमिक शिक्षण जिल्हा परिषद शाळा तोहोगाव, त्यानंतर कर्मवीर विद्यालय येनबोडी,आनंदवन वरोरा व पुढील उच्च शिक्षण संत नगरी संत श्री गजाजन महाराज शेगाव येथे अभियांत्रिकी,(इंजिनियरिंग )पूर्ण केले, त्यानंतर पुणे येथे स्पर्धा परीक्षेची तयारी करीत होता,मागिल अनेक परीक्षेत यशाच्या जवळ जवळ येऊन नशिबाने साथ दिली नाही, पण आज तो दिवस उजाळला, आता यानंतर ही विक्कीचे अनेक परीक्षेचे निकाल येणे बाकी आहे,
त्याने आपल्या यशाचे श्रेय आई वडील सर्व नातेवाईक,त्याचे सर्व गुरुजनांना, मित्र परिवार व तोहोगाव गावाचे आशिर्वादामुळे हे यश मला मिळाले,कठोर मेहनत,अभ्यासाचे सातत्य,संयम,सर्वांचे आशिर्वाद व शुभेच्छा पाठीशी असल्या तर यशस्वी होण्यासाठी उशीर होईल पण यश हे नक्की मिळते हे त्याने दाखवून दिले, माझ्या स्वप्नातील आणखी यश घेऊनच परत मी माझ्या गावात येईल हा माझा ठाम निर्धार आहे हे त्याने सांगितले,
त्याच्या या नियुक्ती बदल गावात व परिसरात आनंदाचे वातावरण आहे सर्वांनी कौतुक केले आहे,गावासाठी हा अभिमानाचा क्षण आहे,