आपला जिल्हा ताज्या घडामोडी देश विदेश महाराष्ट्र

🔸संतश्रेष्ठ जगतगुरू श्री तुकाराम महाराज बीज सोहळा संपन्न ..

🔸प्राचार्या सौं.रत्नामाला भोयर लिखित" संत तुकाराम "पुस्तकाचे केले प्रकाशन..

Chief EditorMarch 9, 2026

118

डॉ. आनंदराव कुळे
मूल तालुका प्रतिनिधी
मो. क्र. ९४०३१७९७२७

मूल – ( इंडिया २४ न्यूज ) : अभंगाच्या सुरातून भक्तीचा प्रकाश पसरवत, कीर्तनाच्या माध्यमातून समाजातील अंधश्रद्धेची अंधारी वाट दूर करून मानवतेला दिशा देणाऱ्या संतश्रेष्ठ जगतगुरू श्री तुकाराम महाराज यांच्या पवित्र स्मृतीस उजाळा देण्यासाठी “श्री तुकाराम महाराज बीज “चा सोहळा मूल च्या क्रीडासंकुलातील योगाभवन येथे संपन्न झाला. या सोहळ्याच्या अध्यक्षस्थानी ग्रामगिताचार्य नामदेवराव पिदूरकर हे होते. प्रमुख पाहुणे म्हणून कुणबी समाजाचे ज्येष्ठ मार्गदर्शक श्री गिरमाजी भोयर, विलास मांडवकर सर, प्राचार्या सौं. रत्नामाला भोयर, व ग्रामगिताचार्य चौथाले सर हे होते.
प्रस्ताविकात सौं. संजीवनी वाघरे यांनी श्री तुकाराम महाराज बीज सोहळा आयोजित करण्यामागील उद्देश स्पष्ट केला. उपस्थित पाहुण्यांनी संतश्रेष्ठ श्री तुकाराम महाराज यांच्या जिवनावर प्रकाश टाकला.कीर्तनाच्या माध्यमातून श्री तुकाराम महाराजांनी समाजातील अंधश्रद्धा, अनिष्ट चालीरिती कशा दूर केल्या हे समजावून सांगितले.
अध्यक्षीय भाषणात ग्रामगिताचार्य नामदेवराव पिदूरकर यांनी श्री तुकाराम महाराज यांच्या जीवन चरित्रावर अनेक उदाहरणांसह सविस्तर माहिती दिली.
याच श्री तुकाराम महाराज बीज सोहळ्यात प्राचार्या सौं. रत्नमाला भोयर,माजी नगराध्यक्षा लिखित *संत तुकाराम *या पुस्तकाचे प्रकाशन मान्यवरांचे हस्ते करण्यात आले. यावेळी सोहळ्यास कुणबी समाज बांधव व भगिनी मोठ्या संख्येनी उपस्थित होते.
सोहळ्याचे संचलन सौं. तांगडे मॅडम यांनी केले.
शेवटी महाप्रसादाने सोहळ्याची सांगता करण्यात आली.