आपला जिल्हा ताज्या घडामोडी देश विदेश महाराष्ट्र

🔶 पत्रकारावर तक्रार; पण पोलीस पाटलांच्या कर्तव्याकडे कोण पाहणार?

🔺बातमीवर आक्षेप घेण्यापेक्षा गावागावातील अवैद्य धंद्यावर कारवाईची नागरिकांची मागणी

Chief EditorJuly 11, 2026

145

धनराज सरपाते- सिंदेवाही तालुका प्रतिनिधी

सिंदेवाही :(इंडिया २४ न्युज )
सिंदेवाही येथून हिंदू जागर दैनिकात प्रसिद्ध झालेल्या वृत्तावरून तालुका पोलीस पाटील संघटनेने पत्रकाराविरुद्ध अदखलपात्र तक्रार दाखल केली. मात्र, या तक्रारीमुळे नागरिकांनी उपस्थित केलेले मूलभूत प्रश्न अनुत्तरीतच आहे.

पोलीस पाटील हे गाव आणि पोलीस प्रशासन यांच्यातील महत्त्वाचा दुवा आहेत. गावातील कायदा व सुव्यवस्था राखणे अवैद्य दारू, अवैद्य रेती उत्खनन, जुगार, मटका, अमली पदार्थ, गुटखा विक्री तसेच इतर गुन्हेगारी हालचालीची माहिती तात्काळ पोलिसांना देणे. ही त्यांची वैध्यानिक जबाबदारी आहे. मग अनेक गावात वर्षांनुवर्षे अवैद्य धंदे सुरू असतानाही संबंधित यंत्रणांना वेळेवर माहिती का मिळत नाही. असा सवाल नागरिक विचारत आहेत.

पोलीस पाटलांनी गावात वास्तव्यास राहून २४ तास जनतेसाठी उपलब्ध राहणे अपेक्षित आहे. प्रत्यक्षात अनेक ठिकाणी नागरिकांना दाखले, तंटे किंवा अन्य कामासाठी पोलीस पाटलाची वाट पहावी लागते. अशा तक्रारी सातत्याने समोर येत आहेत. या तक्रारीची पडताळणी करून वस्तुस्थिती जनतेसमोर आणणे ही प्रसार माध्यमाची जबाबदारी आहे.

प्रश्न विचारणाऱ्या पत्रकारावर तक्रार दाखल करून जनतेच्या शंकांना उत्तर मिळणार नाही. उलट ज्या गावात अवैद्य धंदे सुरू आहेत. तेथील पोलीस पाटलांनी आपली कर्तव्य पार पाडली का, याची निष्पक्ष चौकशी होणे आवश्यक आहे. कर्तव्यात कसूर आढळल्यास संबंधितावर कायद्यानुसार कारवाई करून आवश्यक असल्यास पदमुक्तीची कार्यवाही करावी. अशी नागरिकाची मागणी आहे.

लोकशाहीत प्रश्न विचारणे गुन्हा नाही. जनतेच्या हिताचे प्रश्न मांडणे, प्रशासनाचे लक्ष वेधने आणि जबाबदारीची जाणीव करून देणे हे प्रसारमाध्यमांचे कर्तव्य आहे. त्यामुळे पत्रकारावर तक्रारी दाखल करण्यापेक्षा, जनतेने उपस्थित केलेल्या प्रश्नांची उत्तरे देणे. आणि गावाढगावातील कायदा व सुव्यवस्था अधिक सक्षम करणे ही काळाची गरज आहे.