🔸घोट येथे शिक्षकाविरोधात संतप्त पालक-विद्यार्थ्यांचे शाळेला कुलूप आंदोलन..

*🔸उज्वल देवनाथ*
*🔸 गडचिरोली जिल्हा ब्युरो चीफ*
*🔸 मो नं. 7499963831*

घोट – ( इंडिया 24 न्युज ) :
जी. प. म. गांधी हायस्कूल व कनिष्ठ विज्ञान महाविद्यालय, घोट येथे आज विद्यार्थी, पालक व शाळा व्यवस्थापन समितीने एकत्र येत आक्रमक भूमिका घेत शाळेला कुलूप ठोकून आंदोलन केले. “आम्हाला उदय नरोटे हे शिक्षक नको” या ठाम अटीवर आंदोलनकर्त्यांनी शाळा प्रशासनाविरोधात संताप व्यक्त केला.
आंदोलनकर्त्यांच्या म्हणण्यानुसार, शिक्षक नरोटे यांच्या कामकाजाबाबत सातत्याने तक्रारी असूनही प्रशासनाने कोणतीही ठोस कारवाई केलेली नाही. त्यामुळे अखेर संतप्त पालक व विद्यार्थ्यांनी शाळेला कुलूप लावून निषेध व्यक्त केला.
जोपर्यंत संबंधित शिक्षकावर कारवाई होत नाही तोपर्यंत आंदोलन मागे घेणार नसल्याची भूमिका आंदोलकांनी घेतली आहे. या घटनेमुळे परिसरात तणावाचे वातावरण निर्माण झाले असून शिक्षण विभाग यावर काय भूमिका घेणार याकडे सर्वांचे लक्ष लागले आहे.